أخبار عاجلة
الرئيسية - أخبار المعهد - روندو و كامبينغ في غابة الدّويرة بالشابة لطلبة المعهد العالي للدراسات التطبيقية بالمهدية في اطار نشاط نادي LEAD CLUB

روندو و كامبينغ في غابة الدّويرة بالشابة لطلبة المعهد العالي للدراسات التطبيقية بالمهدية في اطار نشاط نادي LEAD CLUB

روندو و كامبينغ في غابة الدّويرة بالشابة لطلبة المعهد العالي للدراسات التطبيقية بالمهدية في اطار نشاط نادي LEAD CLUB
الدوّيرة كما يُسمّيها المواطنون أبناء مدينة الشابة , هي غابة صنوبر وكلتوس و أكاسيا وأشجار أخرى تمّ زرعها بداية الستّينات من طرف الجيش الوطني التونسي للحد من انجراف الرمال وتمتدّ على طول الشاطئ من مدينة الشابة وتحديدا من منطقة سيدي عبد الله والحي الشرقي وُصولا الى قرية العالية التابعة لمعتمدية قصور الساف على طول 16 كلم .. هناك توجهنا , في” روندوني” على مدى 8 كلم . و” الروندوني” أساسا , هي نشاط رياضي تتألف من المشي لمسافات طويلة في البيئات الطبيعية ، وغالبا في التضاريس الجبلية الخلابة أو غيرها . أناس كثيرون يحبون الرجوع إلى الطبيعة والتخلي لفترة ما عن رفاهية الحياة العصرية وفي نفس الوقت التجوال في مسافات طويلة بعيدة عن العمران وبعيدا عن الطرق المرصوفة . وتم تأكيد الفوائد الصحية للتجوال فهي تقوي الجسم من ناحية وتعلمه الصبر على المصاعب ، كما تهدئه نفسيا ، وتطرد ما كان يعاني منه من إجهاد نفسي خلال حياته العملية واليومية . إنها بمثابة فترة استعادة القوى و استمتاع بالطبيعة وراحة. و” الكامبينغ” زادا يعتبر من احسن الرياضات الي تنجم تعملهم في حياتك (باش ما نقولش احسن) . ما يتطلبش قوة بدنية كبيرة، ما يتطلبش فلوس و يعلمك الصبر والمثابرة و و الإعتماد على النفس و بالاخص تعزز الثقة فالنفس. ”الكامبينغ”و ا”لروندوني” ثقافة أخرى و حاجة مربوطة بالغرام والكيف، هو فن.باش تمارسو و تفهم معانيه لازم يكون عندك نوع من وسع البال و رحابة الصدر، رياضة كيما هاذي رغم الي فيها تعب ما تنجمش تمارسها بقوة او منافسة او ضغط (ولو في بعض التحديات لازم شوية قرينتة) بل بالعكس لازم تتعلم تكون ايجابي و تصبر، تتعلم تاخو وقتك خاطر و تستغلّو ، تتعلم تتامل و تفهم الدنيا الي دايرة بيك مش عينيك محلولة “ترى و لا تتامل”. إذن هذي كانت خرجتنا , و من تجاربي الصغيرة قرّرت نعلّم الشباب اللي مشاو معايا الثقافة هاذي .. شويّة نصائح و حيل , ألعاب , غناء , كيفاش تطيّب عالحطب و تبارك الله علاهم الكل كانو محاربين و على قد التحدي  و الجدير الذكر أنو معظمهم أول مرّة يكمبيو و يخرجو في روندوني و مع ذلك مشاو و تعبوا و عرقوا و تفرهدوا

شاهد أيضاً

المهدية : مواكبة القناة الوطنية الاولي للندوة العلمية الدولية الثانية الرحلة في طلب العلم تجلياتها و تحولاتها

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *